माधव नेपालसहित १४ सांसदको पद खारेज गर्न ओलीद्वारा संसद सचिवालयलाई पत्राचार
काठमाडौं । सरकारले राजनीतिक दलसम्बन्धी अध्यादेशको ल्याउने निर्णय गरेलगत्तै नेकपा एमालेका अध्यक्ष केपी शर्मा ओलीले पार्टीका वरिष्ठ नेता माधव कुमार नेपालसहित १४ सांसदलाई हटाउन संसद सचिवालयमा पत्र पठाएका छन् ।
उनीहरुले पार्टीको निर्देशन र अनुशासन उल्लंघन गरेको भन्दै सांसद पदबाट हटाउन भन्दै एमालेले सचिवालयलाई पत्राचार गरेको हो ।
एमालेले माधव नेपाल, जीवनराम श्रेष्ठ, मुकुन्द न्यौपाने, रामकुमारी झाँक्री, कल्याणी खड्का, लक्ष्मीकुमारी चौधरी, निरादेवी जैरु, पुष्पाकुमारी कर्ण, सरला यादव, कलिला खातुन, विरोध खतिवडा, कृष्णलाल महर्जन, भवानी खापुङ र मेटमणी चौधरीलाई सांसद पदबाट हटाउन भन्दै पत्र पठाएको हो । सरकारले राजनीतिक दल सम्बन्धी अध्यादेश ल्याएपछि ओली माधव नेपाल पक्षप्रति आक्रमक बनेका हुन् ।