सर्वाेच्चको फैसला विवादास्पदः प्रधानमन्त्री
काठमाडौं । प्रधानमन्त्री केपी शर्मा ओलीले तत्काल राजीनामा नदिने भएका छन् । प्रधानमन्त्रीका प्रेस सल्लाहकार सूर्य थापाले मंगलबार राति सामाजिक संजाल फेसबुकमार्फत प्रधानमन्त्रीले प्रतिनिधिसभाको सामना गरेर सर्वोच्चको फैसला कार्यान्वयन गर्ने जानकारी दिएका हुन् । थापाले सर्वोच्चको फैसला विवादास्पद भएको बताएका छन् ।
थापाले लेखेका छन्, ‘सर्वाेच्च अदालतले गरेको फैसला विवादास्पद छ, तर मान्नुपर्छ । र, कार्यान्वयन गर्नुपर्छ । यसका दुष्प्रभावहरू भविष्यमा देखिदैं जाने निश्चित छ । यसबाट राजनीतिक समस्याहरूको कुनै हल हुने अवस्था पनि छैन । बरू अस्थिरता अझै बढ्ने छ । सत्ताको खेल बढ्नेछ । प्रधानमन्त्रीले प्रतिनिधिसभाको सामना गरेर नै फैसला कार्यान्वयन गर्नुहुन्छ । तत्काल राजीनामा दिनुहुने छैन ।’