‘प्रधानमन्त्रीज्यू आँट गर्नुस्, संघीयता खारेज गरेर प्रत्यक्ष निर्वाचित कार्यकारी प्रधानमन्त्रीको व्यवस्था गरौं’
काठमाडौं । सत्तारुढ नेकपाकी नेतृ निरूदेवी पालले संघीयता खारेज गर्न प्रधानमन्त्रीलाई सुझाव दिएकी छन् । प्रधानमन्त्री केपी शर्मा ओलीनिकट पालले सामाजिक सञ्जाल फेसबुकमार्फत प्रदेशहरू नेतालाई जागिर खुवाउने थलो मात्रै भएको भन्दै संघीयता खारेज गर्न प्रधानमन्त्रीलाई सुझाव दिएकी हुन् ।
उनले लेखेकी छन्,’सम्माननीय प्रधानमन्त्रीज्यू आँट गर्नुस्, संघीयता खारेज गरेर प्रत्यक्ष निर्वाचित कार्यकारी प्रधानमन्त्री र संसदको सिट १०५, केन्द्रको मन्त्रिमण्डल बढीमा १५, सदस्यीय र भ्रष्टाचारीलाई जेलका कालकोठरीमा सडाउने आँट गर्नुस्। नेपाली जनताको मनमस्तिष्कमा सधैं बस्नु हुनेछ। मेरो व्यक्तिगत विचार ।’