ओली समूहको पार्टी प्रवक्तामा प्रदीप ज्ञवाली चयन
काठमाडौं । प्रधानमन्त्री केपी ओली पक्षधरको नेकपाको केन्द्रीय कमिटी बैठकले पार्टीको प्रवक्ता प्रदीप ज्ञवालीलाई बनाएको छ । नारायणकाजी श्रेष्ठलाई हटाएर ज्ञवालीलाई प्रवक्ता बनाइएको प्रधानमन्त्रीका प्रेस सल्लाहकार सूर्य थापाले जानकारी दिएका छन् ।
बैठकले महासचिव विष्णु पौडेलले पेश गरेको विधान संशोधन प्रस्ताव पारित गर्दै ११ सय ९९ सदस्यीय केन्द्रीय कमिटी अनुमोदन गरेको छ । मनोनित सदस्यलाई बैठकमा अध्यक्ष ओलीले सपथग्रहण समेत गराएका छन् । यसैबीच, बैठकले २०७८ मंसिरमा पार्टी महाधिवेशन गर्ने प्रस्तावलाई अनुमोदन गरेको छ ।