७ जना मन्त्रीले दिए राजीनामा
काठमाडौं । प्रधानमन्त्री केपी ओलीले संसद विघटन गरे पछि सरकारमा रहेका सात मन्त्रीले पदबाट राजीनामा दिएका छन् । आइतबार सिंहदरबारमा पत्रकार सम्मेलन गरी ऊर्जामन्त्री वर्षमान पुन, खानेपानी मन्त्री विना मगर, वनमन्त्री शक्ति बस्नेत, कृषिमन्त्री घनश्याम भुसाल, पर्यटनमन्त्री योगेश भट्टराई, शिक्षामन्त्री गिरिराजमणि पोखरेल र श्रम तथा रोगजारमन्त्री रामेश्वर राय यादवले पदबाट राजीनामा दिएका हुन् ।
प्रधानमन्त्रीको असंवैधानिक कदममा असहमति जनाउँदै राजीनामा दिएको उनीहरुले बताएका छन् । पत्रकार सम्मेलनमा पोखरेलले प्रधानमन्त्रीको कदमप्रतिअसहमत जनाउदै राजीनामा दिएको बताए ।
त्यस्तै वर्षमान पुनले आफूहरुले कुनै आवेगमा आएर राजीनामा नदिएको उल्लेख गरे । प्रधानमन्त्रीलाई गल्ती सच्चाउँन दवाव होस् भनेर सामूहिक राजीनामा दिएको उनले बताए
त्यस्तै धनश्याम भुसालले प्रधानमन्त्रीको कदम कम्युनिस्ट राजनीतिका लागि मात्रै नभएर अग्रगामी, वामपन्थी र उदारवादी राजनीतिकै लागि संकट भएको बताए ।
राजीनामा दिनेमा प्रचण्ड–नेपाल पक्षका मन्त्रीहरु रहेका छन् । यसअघिका माओवादी खेलका गृहमन्त्री रामबहादुर थापा र उद्योगमन्त्री लेखराज भट्टले भने राजीनामा दिएका छैनन् ।
