प्रधानमन्त्री ओली र गृहमन्त्री थापाबीच मन्त्री निवासमा भेटवार्ता
काठमाडौं । प्रधानमन्त्री केपी शर्मा ओलीले शनिबार राजनीतिक भेटघाटलाई तीव्रता दिएका छन् । बिहान खुमलटारमा पार्टीका कार्यकारी पुष्पकमल दाहाल प्रचण्डलाई भेटेलगत्तै प्रधानमन्त्री ओली मन्त्रीहरुलाई भेट्न मन्त्री निवास पुल्चोक पुगेका थिए ।
त्यहाँ प्रधानमन्त्रीले गृहमन्त्री रामबहादुर थापासँग भेटवार्ता गरेका छन् । भेटमा स्वास्थ्यमन्त्री भानुभक्त ढकाल र यातायात तथा पूर्वाधारमन्त्री वसन्त नेम्वाङ पनि सहभागी छन् । भेटमा पार्टीभित्रको विवाद समाधानका बारेमा छलफल भएको बताइएको छ ।
प्रधानमन्त्री ओली पहिलो पटक राजनीतिक भेटघाटका लागि बालुटावारबाट निस्केका हुन् । यसअघि प्रधानमन्त्री ओलीले भेटघाटका लागि नेताहरुलाई प्रधानमन्त्री निवास बालुवाटार बोलाउने गरेका थिए ।