भारतमा ९० लाख ५० हजार संक्रमितमध्ये ८४ लाख ७५ हजार संक्रमणमुक्त
विश्वमा कोरोना भाइरस संक्रमणमुक्त हुनेको संख्या ४ करोड नाघेको छ । संक्रमितमध्ये विश्वभर पछिल्लो २४ घण्टामा ३ लाख ५२ हजार ६०५ जना संक्रमणमुक्त भएसँगै हालसम्म ४ करोड १ लाख ४ हजार ७१७ जना संक्रमणमुक्त भएका हुन् । संक्रमणमुक्त हुनेको यो संख्या कुल संक्रमितका आधारमा ६९ प्रतिशत हो ।
पछिल्लो २४ घण्टामा विश्वभर ६ लाख ४६ हजारभन्दा बढीमा संक्रमण भएको छ भने १० हजार ९५१ जनाको मृत्यु भएको छ । यससँगै, कोरोना भाइरस संक्रमणबाट मृत्यु हुनेको संख्या १३ लाख ७७ हजार ५४२ पुगेको छ भने कोरोना संक्रमितको कुल संख्या ५ करोड ७९ लाख २ हजार ८४१ पुगेको छ ।
संक्रमितमध्ये १ करोड ६४ लाख २१ हजार भन्दाबढी विभिन्न अस्पतालमा उपचाररत छन् भने १ लाख २ हजार भन्दाबढीको अवस्था गम्भीर रहेको वल्डोमिटरमा उल्लेख छ।
कोरोनाबाट सबैभन्दा बढी प्रभावित अमेरिकामा १ करोड २२ लाख ७४ हजार ७ सय भन्दा बढी मानिस कोरोनाबाट संक्रमित भइसकेका छन् । पछिल्लो २४ घण्टामा अहिलेसम्मकै बढी २ लाख १ हजार भन्दा बढीमा संक्रमण पुष्टि भएको छ भने १९५१ जनाको मृत्यु भएको छ । हालसम्म संक्रमितमध्ये २ लाख ६० हजार २ सय बढीको मृत्यु भएको छ भने ७३ लाख १६ हजार भन्दा बढी निको भएका छन् ।
त्यसैगरी, भारतमा सक्रमितको संख्या ९० लाख ५० हजार नाघेको छ । संक्रमितमध्ये एक लाख ३२ हजार बढीको मृत्यु भइसकेको छ भने हालसम्म ८४ लाख ७५ हजार बढी निको भइसकेका छन् ।
ब्राजिलमा कोरोना भाइरसबाट सङ्क्रमित हुनेको संख्या ६० लाख २० हजार नाघेको छ भने १ लाख ६८ हजार ६६२ जनाको मृत्यु भएको छ । संक्रमितमध्ये ५४ लाख २२ हजार भन्दा बढी निको भएका छन् ।
