राष्ट्रपतिले आज संसदमा प्रतिनिधित्व गर्ने दलका नेताहरुसँग छलफल गर्ने
काठमाडौँ । राष्ट्रपति विद्यादेवी भण्डारीले संसदमा प्रतिनिधित्व गर्ने दलहरुलाई आज साँझ छलफलका लागि शीतल निवास बोलाएकी छन् । राष्ट्रपति भण्डारीले समसामयिक विषयमा छलफल गर्न उपराष्ट्रपति, प्रधानमन्त्री, संघीय ससद्का सभामुख, राष्ट्रिय सभाका अध्यक्ष तथा पूर्व प्रधानमन्त्रीलगायतलाई बोलाएको राष्ट्रपतिका स्वकीय सचिव भेषराज अधिकारीले जानकारी दिएका छन् ।
मुलुकमा पछिल्लो समयमा विकासित घटनाक्रम, कोरोना महामारी र लकडाउनलगायतका समसामयिक विषयहरुमा छलफल गर्नका लागि आज साँझ ५ बजेका लागि विभिन्न राजनीतिक दल र तिनका प्रतिनिधिलाई बोलाइएको हो । त्यसक्रममा राष्ट्रपतिले अंगीकृत नागरिकता विधेयक, एमसीसीलगायतका विषयमा नेताहरुसँग छलफल गर्ने बताइएको छ ।