थप २५० जनामा कोरोना संक्रमण पुष्टि, संक्रमितको संख्या ४,६१४ पुग्यो
काठमाडौं । नेपालमा बिहीवार थप २ सय ५० जनामा कोरोना भाइरस संक्रमण पुष्टी भएको छ । देशका बिभिन्न स्थानमा गरिएको परिक्षणका क्रममा थप २५० जनामा कोरोना संक्रमण पुष्टि भएको स्वास्थ्य मन्त्रालयका प्रवक्ता डा.जागेश्वर गौतमले जानकारी दिए ।
यो संगैनेपाल नेपालमा कोरोना संक्रमितको संख्या ४ हजार ६ सय १४ पुगेको छ । हालसम्म नेपालका ७२ जिल्लामा कोरोना संक्रमण फैलिएको छ । मन्त्रालयका प्रवक्ता गौतमका अनुसार विगत २४ घण्टामा १ सय ८७ जना डिस्चार्ज भएका छन् ।
डिस्चार्ज हुनेको संख्या हालसम्म ८ सय ६१ पुगेको छ । त्यस्तै अहिलेसम्म पीसीआर बिधिबाट १,१५, ९३० र आरडिटी बिधिबाट १, ७५ ,१४१ परिक्षण गरिएको प्रवक्ता गौतमले जानकारी दिए । मन्त्रालयका अनुसार हाल मुलुकभर तीन हजार सात ३८ जना आइसोलेशनमा छन् भने १ लाख ६२ हजार १३ जना क्वारेन्टाइनमा छन् ।
