कोरोना संक्रमणबाट अमेरिकामा २८ हजार भन्दा बढीको मृत्यु, संक्रमित ६ लाख ४४ हजार
कोरोना भाइरसका कारण विश्वमा मृत्यु हुनेको संख्या १ लाख ३४ हजार नाघेको छ । बिहीबार बिहानसम्म कोरोनाका कारण मृत्यु हुनेको संख्या संख्या १ लाख ३४ हजार ५६० पुगेको छ ।
१४ लाख ३७ हजार ७६६ कोरोना संक्रमितको उपचार भइरहेको छ । अमेरिकामा विगत २४ घण्टामा २ हजार चार सय ७९ जनाको मृत्यु भएको छ । योसँगै अमेरिकामा अहिले सम्म ज्यान गुमाउनेको संख्या २८ हजार पाँच सय २६ पुगेको छ ।
अमेरिकामा कुल संक्रमितको संख्या ६ लाख ४४ हजार ५५ पुगेको छ । इटालीमा २१ हजार ६४५, स्पेनमा १८ हजार ८१२, फ्रान्समा १७ हजार १६७, बेलायतमा १२ हजार ८६८ जनाको कोरोनाका कारण ज्यान गइसकेको छ ।
