प्रधानमन्त्रीको मुटुको एन्जियोग्राफी गरियो
काठमाडौँ । प्रधानमन्त्री केपी शर्मा ओलीको मुटुको एन्जियोग्राफी गरिएको छ । मंगलबार अपरान्ह शिक्षण अस्पतालस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा प्रधानमन्त्रीको कोरोनरी एन्जियोग्राफी गरिएको हो ।
डा. अरुण सायमी नेतृत्वको टोलीले उनको मुटुको परीक्षण गरेको थियो । प्रधानमन्त्रीका प्रेस सल्लाहकार सूर्य थापाले प्रधानमन्त्रीको मुटुको सामान्य परीक्षण मात्रै गरिएको जानकारी दिएका छन् ।