एमसिसी अध्ययन गर्न झलनाथ खनालको संयोजकत्वमा तीन सदस्यीय कार्यदल गठन
काठमाडौँ । सत्तारुढ नेकपाले अमेरिकन च्यालेञ्ज कर्पोरेसन (एमसिसी) अध्ययन गर्न बरिष्ठ नेता झलनाथ खनालको संयोजकत्वमा तीन सदस्यीय कार्यदल गठन गरेको छ ।
आइतबार बिहान प्रधानमन्त्री निवास बालुवाटारमा बसेको सचिवालय बैठकले खनालको संयोवजकत्वमा कार्यदल गठन गर्ने निर्णय गरेको हो । कार्यदलमा स्थायी समिति सदस्यद्वय परराष्ट्रमन्त्री प्रदीप ज्ञवाली र भीम रावल सदस्य छन् ।
सचिवालयले ल्याएको प्रस्ताव केन्द्रीय कार्यसमितिको राष्ट्रियसभा गृहमा बसेको बैठकले पारित गरेको हो । समितिलाई १० दिनको समय दिइएको छ ।