फेरि उकालो लाग्यो सुनको मूल्य
काठमाडौं । सुनको मूल्य पुनः उकालो लागेको छ । तोलामा नै मङ्गलबार एक हजार सात सय रुपैयाँले घटेको सुनको मूल्य बुधबार भने ५०० रुपैयाँले बढेको हो ।
नेपाल सुचाँदी व्यवसायी महासङ्घका अनुसार मङ्गलबार तोलामा ८७ हजारमा कारोवार भएको छापावाला सुन आजका लागि भने ८७ हजार ५०० रुपैयाँ मूल्य निर्धारण भएको छ ।
यस्तै तेजाबी सुन मङ्गलबार तोलामा ८६ हजार ५५० रुपैयाँमा कारोवार भएकामा आज भने तोलामा ८७ हजार ५० रुपैयाँ मूल्य निर्धारण भएको छ । यस्तै चाँदी तोलामा नै २५ रुपैयाँले वृद्धि भएको छ । चाँदी प्रतितोला एक हजार २९० रुपैयाँमा मङ्गलबार कारोवार भएकामा आजका लागि भने एक हजार ३१५ रुपैयाँ मूल्य निर्धारण भएको छ ।