उत्तर कोरियाद्वारा फेरि क्षेप्यास्त्र परीक्षण
संयुक्त राज्य अमेरिकासँग परमाणु वार्ता पुनः सुरु गर्ने घोषणा गरेको केही घण्टापछि नै उत्तर कोरियाले पनडुब्बीबाट एउटा बलिस्टिक क्षेप्यास्त्र प्रहार गरेको छ ।
दक्षिण कोरियाली अधिकारीहरूका अनुसार वन्सान पोर्टनजिकैबाट प्रहार गरिएको उक्त क्षेप्यास्त्र आकाशमा ९ सय १० किलोमिटर माथि पुगेको र जापान सागरमा खस्नुअघि त्यसले ४ सय ५० किलोमिटर दुरी पार गरेको थियो ।
उत्तर कोरियाले गत मे महिनादेखि छोटो दुरीका क्षेप्यास्त्र परीक्षण गर्न थालेको थियो । क्षेप्यास्त्र परीक्षणसम्बन्धी समाचार प्रकाशित भएपछि विभिन्न पक्षले उत्तर कोरियाको कदमको विरोध गरेका छन् ।