कास्कीको धम्पुसबाट ‘पीआर’को छायाँकन सुरु
काठमाडौं । अष्ट्रेलियापछि ‘पीआर’ को छायाँकन कास्कीको धम्पुसबाट सुरू भएको छ । निर्देशक शोभित बस्नेतको फिल्मको अष्ट्रेलियामा ६० प्रतिशत छायाँकन गरिएको थियो ।
फिल्मको छायाँकन धम्पुसकासाथै पोखरा, चितवन लगायतका ठाउँमा समेत हुने निर्माण पक्षले जनाएको छ ।
सलोन सलिना फिल्मस्को ब्यानरमा निर्माण भइरहेको फिल्ममा नीर शाह, गौरी मल्ल, रविन्द्र खड्का, उत्तम केसी, आर ए सुरज पौडेल, राजन कुँवर, विनिता कार्की, पुजा चौधरी, बिमला खत्री, आश्मा अधिकारी, कुशल थापा, गणेश बुढाथोकी, कृष्ण थापा म्याक्स र नवीन घायल लगायत कलाकारको अभिनय रहने छ ।
फिल्ममा ए वान ग्रुप सर्भिसका प्रदीप दाहाल र इन्द्रेणी ग्रुपका लक्ष्मण सापकोटा निर्माता रहेका छन् । फिल्ममा मानस राज र भिम बिसीको संगीत, रामजी लामिछानेको नृत्य, निर्देशक बस्नेतकै कथा, गणेश बुढाथोकीको पटकथा र संवाद रहेको छ ।
