नयाँ देशभक्ति गीत ’मेरो देश नेपाल’ सार्वजनिक
’मेरो देश नेपाल’ गीत सार्वजनिक भएको छ । १६ जना चर्चित राष्ट्रिय गायक गायिकाहरुको स्वरमा नयाँ देशभक्ति गीत ’मेरो देश नेपाल’ सार्वजनिक भएको हो ।
गायक राजेश पायल राई, प्रमोद खरेल, अर्जुन पोखरेल, राजु परियार, राज सिग्देल, कृष्ण काफ्ले, मेलिना राई, अनिता चलाउने, बुद्द लामा, निशान भट्टराई, अस्मिता अधिकारी, समिक्षा अधिकारी, किरण भुजेल र प्रविन बेडवालको सुमधुर स्वरमा मेरो देश नेपाल बोलको गीत युट्युबमा सार्वजनिक भएको हो । गीतमा अर्जुन पोखरेलको संगीत र अम्बिका शर्माको शब्द रचना रहेको छ । गीतको भिडियोलाई उत्सव दाहालले छायांकन, विधान कार्कीले निर्देशन र बिकास दाहालको सम्पादन रहेको छ ।
